Henā'e
by Maude Fightingbear

Éxhóhta'hane tséméhaevéstoemo. Éxhósemóho henā'e. "Éhma'xeame'hao'o," éxhetóhta'hane. "Nėhe'še ma'aatano'e náxhėseváéna. Náhtae'eamoo'o tséhnėšema'xeametónove'hávôse. Hótȧhtse na'ėstse náhtaa'tāno. Náhtató'omemāso. Éhne'ameanā'o. Nėhe'še éhma'xepe'pe'e'háooheo'o néhe henā'e. Éhne'évaanôhenéheohé'tovovo  néhe na'ėstse tséméhaetó'omemȧxamoo'o. É'évanȧha'enovo. Éstaévaasėhe'ame'hao'o. Éstaévȧhe'ameno'ȧse'hánovo. Éstaévató'nėšeasevéseame'ha néhe tséméhaetó'omemaso," exhetóhta'hane.